Psalms 36

1ipsi David noli aemulari in malignantibus neque zelaveris facientes iniquitatem ^va 2quoniam tamquam faenum velociter arescent et quemadmodum holera herbarum cito decident ^va 3spera in Domino et fac bonitatem et inhabita terram et pasceris in divitiis eius ^va 4delectare in Domino et dabit tibi petitiones cordis tui ^va 5revela Domino viam tuam et spera in eum et ipse faciet ^va 6et educet quasi lumen iustitiam tuam et iudicium tuum tamquam meridiem ^va 7subditus esto Domino et ora eum noli aemulari in eo qui prosperatur in via sua in homine faciente iniustitias ^va 8desine ab ira et derelinque furorem noli aemulari ut maligneris ^va 9quoniam qui malignantur exterminabuntur sustinentes autem Dominum ipsi hereditabunt terram ^va 10et adhuc pusillum et non erit peccator et quaeres locum eius et non invenies ^va 11mansueti autem hereditabunt terram et delectabuntur in multitudine pacis ^va 12observabit peccator iustum et stridebit super eum dentibus suis ^va 13Dominus autem inridebit eum quia prospicit quoniam veniet dies eius ^va 14gladium evaginaverunt peccatores intenderunt arcum suum ut decipiant pauperem et inopem ut trucident rectos corde ^va 15gladius eorum intret in corda ipsorum et arcus ipsorum confringatur ^va 16melius est modicum iusto super divitias peccatorum multas ^va 17quoniam brachia peccatorum conterentur confirmat autem iustos Dominus ^va 18novit Dominus dies inmaculatorum et hereditas eorum in aeternum erit ^va 19non confundentur in tempore malo et in diebus famis saturabuntur ^va 20quia peccatores peribunt inimici vero Domini mox honorificati fuerint et exaltati deficientes quemadmodum fumus defecerunt ^va 21mutuabitur peccator et non solvet iustus autem miseretur et tribuet ^va 22quia benedicentes ei hereditabunt terram maledicentes autem ei disperibunt ^va 23apud Dominum gressus hominis dirigentur et viam eius volet ^va 24cum ceciderit non conlidetur quia Dominus subponit manum suam ^va 25iunior fui et senui et non vidi iustum derelictum nec semen eius quaerens panes ^va 26tota die miseretur et commodat et semen illius in benedictione erit ^va 27declina a malo et fac bonum et inhabita in saeculum saeculi ^va 28quia Dominus amat iudicium et non derelinquet sanctos suos in aeternum conservabuntur iniusti punientur et semen impiorum peribit ^va 29iusti autem hereditabunt terram et inhabitabunt in saeculum saeculi super eam ^va 30os iusti meditabitur sapientiam et lingua eius loquetur iudicium ^va 31lex Dei eius in corde ipsius et non subplantabuntur gressus eius ^va 32considerat peccator iustum et quaerit mortificare eum ^va 33Dominus autem non derelinquet eum in manus eius nec damnabit eum cum iudicabitur illi ^va 34expecta Dominum et custodi viam eius et exaltabit te ut hereditate capias terram cum perierint peccatores videbis ^va 35vidi impium superexaltatum et elevatum sicut cedros Libani ^va 36et transivi et ecce non erat et quaesivi eum et non est inventus locus eius ^va 37custodi innocentiam et vide aequitatem quoniam sunt reliquiae homini pacifico ^va 38iniusti autem disperibunt simul reliquiae impiorum peribunt ^va 39salus autem iustorum a Domino et protector eorum in tempore tribulationis ^va 40et adiuvabit eos Dominus et liberabit eos et eruet eos a peccatoribus et salvabit eos quia speraverunt in eo

^va